［拎保就業拎到出盈喜！］股價升到3個月新高添呀
上次寫大快活（https://fbook.cc/3JK3），拎保就業同時大增派息。咁亦有版友講話，都幾多減值，可能都公司特登，費事搞到拎保就業拎到出盈喜。都可能係，但今次就真係有公司拎保就業拎到出盈喜！
呢間「國際家居零售」1373，咪就係日本城。拎保就業拎咗5900萬，其他補貼1400萬。仲有業主減租1900萬。
但結果，因為賣防疫產品（口罩定酒精？），收入都按年升13%！好勁架啦！除左科企以外唔多公司有雙位數增長。卒之搞到盈利係升235%！
咁公司都不忘講返，就算冇拎政府補貼呢，盈利都升50%。所以話「因為拎保就業」而出盈喜，標題黨啫。冇保就業都會出盈喜。
但話說回頭，公司咁好景，仲使乜拎？咁政府保就業，其實冇問題的，係要求你唔炒人之嘛，冇話賺錢唔拎得，大把公司照拎。況且賺錢都可以炒人
之但係，「我係佢業主就唔多高興了」，原來唔計政府津貼都盈利升50%，咁做乜要減租畀你呢？
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
月頭訂最抵，Ivan Patreon，港美市場評點，專題號外，每日一圖，好文推介。每星期6篇，月費100蚊唔使，4個月已800人訂！（https://bityl.co/4Y0h）
Search